Tuesday, June 14, 2011

ರಸ್ತೆ ಮಧ್ಯದ ದೀಪಗಳು

ರಸ್ತೆ ಮಧ್ಯದ ದೀಪಗಳು
ಕಪ್ಪ ಮದ್ಯದ ಕೆಂಪುಗಳು
ಇರುಳಲ್ಲರಳೋ ಮಿಣುಕುಗಳು
ತಡೆಗಳ ತೋರೋ ಗುರುತುಗಳು
ಏನರುಹುತಿವೆ ಅವುಗಳು?|1|

ರಸ್ತೆಯ ಮೇಲಿಲ್ಲ ನಿಂ ಗಮನ
ಸಾಗುವಾಗಲೇ ಮೊಬೈಲು
ಹೈಸ್ಟೈಲು ತೋರುವ ಐಲು
ಹಿಂದೆ ಕೂತವರಿಗೆ ದಿಗಿಲು
ಅದ್ಕೇ ವಾರ್ನಿ೦ಗಾ ಇವುಗಳು?|2|

ಎಲ್ಲಿಗೋ ಹೋಗೋ ಅವಸರ ನಿಮಗೆ
ಓವರ್ ಟೇಕ್ ಮಾಡುವಿರಿ
ಹಿಂದೆ , ಮುಂದೆ ಎಂದೂ ನೋಡದೆ
ಒಂದೇ ಸಮನೆ ನುಗ್ಗುವಿರಿ ,
ಮುಂದೆ ಕಾದಿರುವ ಗಾಯಗಳ
ಕಲರಿಂಡಿಕೇಶನಾ ಇವುಗಳು?|3|

ದಾರಿ ಸೈಡಿನ ಹುಡುಗಿ(ಗನ)ಯ ನೋಡುತ
ನಿಮ್ಮೆದುರಿಗಿರುವುದ ಮರೆಯದಿರಿ
ನಿಧಾನ ಸಾಗಿರಿ, ನಿಧನವಾಗದಿರಿ
ಎಂಬ ಸಂದೇಶದ ನಿಧಿಗಳು
ಕಡಿವಾಣ ವೇಗಕೀ ದೀಪಗಳು
ಅಪಾರ ಸಂದೇಶದ ಗಣಿಗಳು|4|

No comments:

Post a Comment